ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន មានមោទកភាពដែលកីឡាករបាល់ទាត់នៅប្រទេសអឺរ៉ុបពាក់ខោអាវកីឡាដែលផលិតពីកម្ពុជាតាមរយៈក្រុមហ៊ុន Adidas និងNike។

សម្តេចតេជោបានថ្លែងនៅក្នុងពិធីសំណេះសំណាលជាមួយកម្មករ និយោជិត នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ចំនួនជិត ២ម៉ឺននាក់ នៅព្រឹកថ្ងៃទី២៦ ខែឧសភា ឆ្នាំ២០២៣ថា៖ «ពូទិញខោអាវកីឡា យកមកដល់ផ្ទះ គឺ make in Cambodia អ្នកទិញកាដូ (ខោអាវកីឡា) យកមកដល់ផ្ទះ ក៏ផលិតនៅកម្ពុជា»។

សម្តេចតេជោ កោតសរសើរស្នាដៃកូនខ្មែរផលិតមិនចាញ់ប្រទេសដទៃនោះទេ។ សម្តេចជំរុញឱ្យម្ចាស់រោងចក្របន្ថែមការបណ្តុះបណ្តាលដល់កម្មករកម្មការិនីរបស់ខ្លួន៕